തറവാട്

തറവാട് 
--------------------

 
എത്ര രസമായിരുന്നാക്കാല  
 
മിന്നതിൻ ഓർമ്മകൾ പോലു -
 
മെന്നുറക്കം കെടുത്തവേ 
 
 
 
ആരെല്ലാമുണ്ട്,  തിരിച്ചു പോകാൻ ?
 
കാലനൗക തുഴഞ്ഞു തുഴഞ്ഞു മെല്ലെ..
 
 
മണ്ണിന്റെ മണമൊന്നറിഞ്ഞിടേണ്ടെ 
 
നമ്മളെല്ലാമൊരിക്കൽ, മണ്ണായിടേണ്ടോർ 
 
അന്നു തിരിച്ചറിഞ്ഞീടുവാനാകാതെ 
 
കണ്ണുമടച്ചു കിടന്നിടേണ്ടോർ  
 
 
 
 
മണ്ണിൽ വിതച്ചു വിളയെടുക്കാതെ നാം 
 
വിണ്ണിൽ ദിവാസ്വപ്നം കണ്ടിടുമ്പോൾ 
 
ഉണ്‍മയീമണ്ണുതാനെന്നു നിനയ്ക്കാതെ 
 
അമ്മയാണിവളെന്നറിഞ്ഞിടാതെ 
 
അക്കരെപ്പച്ചകണ്ടോടിത്തളർന്നുനാ 
 
മെത്തിടാമീത്തറവാട്ടിലിന്നേ ...
 
 
ചെത്തിത്തെളിച്ചിടാം ആ പഴയ പൈതൃകം
 
ഉച്ചത്തിലോതുവിൻ - "ഒന്ന്‌ നമ്മൾ "
 
"മലയാളത്തറവാടിൻ മക്കൾ നമ്മൾ "

 
ദീപക് ജി നായർ