വിട

വിട
------------

നാളെയാ സൂര്യോദയം

കാണുവാൻ കഴിയാതെ 

രാവിലീ നിലാവിലൂടൊഴുകും സുഗന്ധമായ്‌ 


നാളെയാ കിളിക്കൊഞ്ചൽ 

കേട്ടിടാതുറക്കത്തിൽ

നാടകം നിറുത്തിയീവേഷങ്ങളഴിക്കവേ 


നിന്മുഖം  മറന്നൊന്നു 

കണ്ണടച്ചീടട്ടെ ഞാൻ

ഓർമ്മകളുണർത്തിയാലാ - 

വതല്ലകന്നീടാൻ .....


നാളെയീ വേഷങ്ങളൊക്കെയും കെട്ടിയാടാൻ, 

ആകണം, ഉറയ്ക്കട്ടെ നിൻ കാലുകൾ, തളരാതെ 


കാണികളില്ലെങ്കിലും,

കർമ്മങ്ങൾ മുടങ്ങാതെയാടു നീ 

യവനികക്കെട്ടഴിഞ്ഞീടും വരെ .................


ദീപക് ജി നായർ