Posts
കാമിനി
---------------
നന്ദിചൊല്ലി പിരിഞ്ഞിടാന് മാത്രമായ്
നിന്ദ്യരെന്തിന്നടുത്തു നാമിത്ര നാൾ
സന്തതമല്ലറിയുന്നുവെങ്കിലും
അന്തികത്തെന്നുമുണ്ടായിരിക്കുവാന്
അന്തരേ കൊതിക്കുന്നു ഞാന് നിന് മുഖം
ചന്ദ്രിക തേന് നിലാവിറ്റിച്ചു നിന്മുഖ
കാന്തിയെത്തെല്ലൊന്നുണര്ത്തുമീ രാത്രിയില്
മന്ദസ്മിതം ചൊരിഞ്ഞല്ലയോ കാമിനീ
അന്തരംഗത്തിന് തുടിപ്പുകള് ഏറവേ
ചന്ദനലേപനം ചെയ്ത നിന് നെറ്റിയില്
സുന്ദരീ, പടരും വിയര്പ്പിന് കണങ്ങളെ
ചന്തത്തില് ഞൊറിവിട്ടുടുത്ത നിന് ചേലതന്
കോന്തലകൊണ്ടുതുടച്ചു നീ നില്ക്കവേ
മന്ദാരമലരമ്പു കണ്ണാല് തൊടുത്തെന്റെ
കാന്തേ, കടാക്ഷമിതു താങ്ങുവാനാകാതെ
കാന്തനാമെന് ചൊല്ലു കേള്ക്കൂ മനസ്വിനീ
താന്തയായ് എന്തിന്നകന്നു നില്ക്കുന്നു നീ
സന്തോഷസന്താപമെല്ലാം പരസ്പര-
മന്തിയോളം വരെ തമ്മില് പകുത്തിടാം
ഹന്ത കൃതാന്തപുരം പൂകിടും വരെ
സ്വന്തമായെന്നുമിരിക്കാം നമുക്കു നാം
ദീപക് ജി നായര്
---------------
നന്ദിചൊല്ലി പിരിഞ്ഞിടാന് മാത്രമായ്
നിന്ദ്യരെന്തിന്നടുത്തു നാമിത്ര നാൾ
സന്തതമല്ലറിയുന്നുവെങ്കിലും
അന്തികത്തെന്നുമുണ്ടായിരിക്കുവാന്
അന്തരേ കൊതിക്കുന്നു ഞാന് നിന് മുഖം
ചന്ദ്രിക തേന് നിലാവിറ്റിച്ചു നിന്മുഖ
കാന്തിയെത്തെല്ലൊന്നുണര്ത്തുമീ രാത്രിയില്
മന്ദസ്മിതം ചൊരിഞ്ഞല്ലയോ കാമിനീ
അന്തരംഗത്തിന് തുടിപ്പുകള് ഏറവേ
ചന്ദനലേപനം ചെയ്ത നിന് നെറ്റിയില്
സുന്ദരീ, പടരും വിയര്പ്പിന് കണങ്ങളെ
ചന്തത്തില് ഞൊറിവിട്ടുടുത്ത നിന് ചേലതന്
കോന്തലകൊണ്ടുതുടച്ചു നീ നില്ക്കവേ
മന്ദാരമലരമ്പു കണ്ണാല് തൊടുത്തെന്റെ
കാന്തേ, കടാക്ഷമിതു താങ്ങുവാനാകാതെ
കാന്തനാമെന് ചൊല്ലു കേള്ക്കൂ മനസ്വിനീ
താന്തയായ് എന്തിന്നകന്നു നില്ക്കുന്നു നീ
സന്തോഷസന്താപമെല്ലാം പരസ്പര-
മന്തിയോളം വരെ തമ്മില് പകുത്തിടാം
ഹന്ത കൃതാന്തപുരം പൂകിടും വരെ
സ്വന്തമായെന്നുമിരിക്കാം നമുക്കു നാം
ദീപക് ജി നായര്
