മലയാണ്മ

മലയാണ്മ
-------------------------------
മല പെറ്റു പുഴ മണ്ണിൽ
ഒഴുകി പരന്നു.
പുഴ പെറ്റതൊക്കെയും
കടലമ്മ തിന്നു.
കടൽ മേലെ വലയെറിഞ്ഞു
ലയുന്ന തോണിയിൽ,
കുടല്‍സര്‍പ്പമിരതേടും
ഉദരങ്ങള്‍ മൂളി.
മലയുടെശിരോമുടി
മുറിച്ചെടുത്താരോ, ...
വിലപേശി വിറ്റു മല
തല ചുട്ടു നിന്നു.
പനിനീർ ചുരത്തിയൊരു
മല തന്റെ മുലകൾ,
കനിവറ്റു തോട്ട
എറിഞ്ഞുടച്ചാരോ.
പുഴയതിൻ അടിവയറു
മാന്തിക്കുഴിച്ചു,
മണൽ വിറ്റു മാളിക
പടുക്കുന്നിതെങ്ങും.
മലയില്ല പുഴയില്ല
മരങ്ങളും ഇല്ലാ...
മലയാളമിതു ഭൂവില്‍
മറയുന്നു മെല്ലെ.

ദീപക് ജി നായര്‍