നിഴൽ

നിഴൽ 

എനിക്കുനീമാത്രമാണെന്നറിഞ്ഞിട്ടു 

മടുത്തുവന്നൊന്നിരിക്കാത്തതെന്തുനീ

 

കടുത്തതീച്ചൂളയിലെന്റെദേഹമു

 

രുക്കിനിൻതനുകറുത്തിടുമ്പോൾ 
 

ഒരിറ്റുനീരുകുടിച്ചിടാത്തതെന്തയി

ത്തമാണോനിനക്കുമിപ്പൊഴും

തെളിഞ്ഞവെട്ടത്തിലടുത്തുകൂടിനീ 

യിരുട്ടിലെന്നെത്തനിച്ചാക്കിയെപ്പൊഴും

തളർ‍ന്നുഞാനൊന്നിരുന്നുപോയാലിതെ

ത്രയാശ്ചര്യമൊരുകുട്ടിയായിനീ...

ഒരിക്കലെങ്കിലുമുരിയാടിയില്ലനീ

യടുത്തുവന്നില്ലകരുത്തുകാട്ടുവാൻ ‍...

കടങ്ങൾ ബാക്കിയായ്ക്കടന്നുപോകവേ

 യെരിഞ്ഞടങ്ങിയോയെൻ‍ചിതതന്നിൽ നീ...


ദീപക് ജി നായർ