'മദേഴ്സ് ഡേ'

'മദേഴ്സ് ഡേ'

കർക്കിടകം കലിച്ചുമറിഞ്ഞാർത്തു

പെയ്തൊരാരാവിലെപ്പോഴോ

പേറ്റുനോവറിഞ്ഞുനീയെന്നെമുറിച്ചുമാറ്റവേ

നിന്റെ ചൂടറിഞ്ഞു സുഖമായ് കണ്ണടച്ചുറ -

ങ്ങിയോരെൻമിടിപ്പുകളിന്നലെവരെനിൻ

ഹൃദയത്തിൻ താളലയങ്ങളിൽ ഞാനും ....

ഇന്നുനീയന്ന്യയാണെനിക്കു, സ്വയംമിടിക്കുന്ന

ഹൃദയമുണ്ടതിൽ, നിറമുള്ളസ്വപ്നങ്ങളും

എഴുതി വയ്ക്കാം നിൻ നാമവും വിലാസവും

നിന്നെയോർക്കാനൊരു ദിനമുണ്ടന്നുഞാനെൻ

പരിചയംപുതുക്കിടാമമ്മയാവുക

 

നീയന്നേക്കു മാത്രമായ് 

ദീപക് ജി നായർ