ഇരുട്ടിൽ ചലിക്കുന്ന നിഴലുകൾ

ഇരുട്ടിൽ ചലിക്കുന്ന നിഴലുകൾ

ഇരുട്ടിൽ ചലിക്കുന്ന നിഴലുകൾ 

നിലാവിനെപ്പഴിക്കുന്ന

നിർവികാര രൂപികൾ 

സാക്ഷരതയിലൂറ്റം കൊണ്ട 

അക്ഷര വൈരികൾ 

സാമാന്യബോധത്തെയും കെടുത്തു

മക്ഷരക്കളരികൾ , ദൈവത്തിൻ സ്വന്തം  നാട്ടിലും !



അമ്മതൻ നെഞ്ചിലെയമൃതുകുടിച്ചോരീ മക്കൾ തൻ 

വിശപ്പിന്നു വിലപറഞ്ഞ്,

രക്ത ദാഹിയാക്കുന്നോർ !


ഒന്നു തിരിച്ചറിഞ്ഞീടുകീപ്പിശാചുക്കൾ

തല്ലിതകർക്കുവാനായ്, നുഴഞ്ഞെത്തിയോർ   


മതങ്ങളും വേണ്ട മനുഷ്യ ദൈവങ്ങളു

മവർണ്ണസവർണ്ണാദിയതിർ വരമ്പൊന്നുമേ 


കാവിയും ഖാദിയും ശുഭ്രമാം ളോഹയും 

ചേർത്തു നെയ്തീടാം, നിറ

ഭേദങ്ങൾ മറന്നീടാം 

മതമില്ലിവിടെ, മാനുഷരാണു ഞങ്ങളെന്നു

ശിരോടെ പാടിടാം, പടിയടയ്ക്കാം ...
 
ആ ഭീകരതക്കിന്നു നാം  ചിത കൊളുത്താം 


ദീപക് ജി നായർ