Gopaalam - Its for you my Dad........

വാക്കുകളെല്ലാം മുറിഞ്ഞു വീഴുന്നു

നോക്കുകൾക്കായാസമേറുന്നു വീണ്ടും

ആക്കം കുറഞ്ഞൊരീ പോക്കിലിന്നന്തിത-

ന്നൂക്കമേറുന്നിരുൾ , മൂടുന്നിതെങ്ങും

പൂക്കാതിരിക്കില്ല, പുലരി വീണ്ടും, നിറ-

ച്ചാർത്തേറുമീ വഴിത്താര തന്നിൽ

വാക്കുകൾ, ഉയിർ വച്ചുണർന്നെണീക്കും, നൂറു

നോക്കുകൾ, ചുറ്റും തെളിഞ്ഞു നില്ക്കും.

ചാറ്റൽ മഴത്തുള്ളി വീണു നിൻ മാനസ-

നീറ്റലും, ആറിത്തണുത്തു പോകും

മാറ്റങ്ങളേറെക്കടന്നു നീ ജീവിത-

യാറ്റിലൂടിനിയും തുഴഞ്ഞു പോകും.

ദീപക് ജി നായർ