Gopaalam - Its for you my Dad........

അമ്മ തൻ ഗർഭപാത്രത്തിലിത്രനാൾ

കണ്ണടച്ചു തപം ചെയ്തൊരുണ്ണി നീ

വന്നുദിച്ചിതാ ഭൂമിയിൽ , തിങ്കളിൻ

വെണ്മയോലും നിലാവുപോലിന്നലെ.

കൺതുറന്നു നീ കണ്ടതാം കാഴ്ചകൾ

കാതിലെത്തുന്ന മധുരമാം വാക്കുകൾ

പുഞ്ചിരിച്ചെത്തുമോരോ പുലരികൾ

കൊഞ്ചി മായുന്ന കുങ്കുമസന്ധ്യകൾ

എന്തുമേതും നിനക്കു നൽ പാഠമാ-

ണുണ്മ തേടി തുടങ്ങുമീ യാത്രയിൽ.

ദേഹമൊട്ടും തളർന്നിടാതാഗ്രഹ-

പൂരണത്തിന്നനുഗ്രഹാശംസകൾ.

ദീപക് ജി നായർ