Posts
ഇനിയുമുയരങ്ങൾ താണ്ടുവാനാകണം
തനിയെ വെട്ടിത്തെളിച്ചൊരീപ്പാതയിൽ
കിനിയുമെത്രയോ കണ്ണീർ തുടയ്ക്കണം
കനിവു തേടും കരങ്ങളെ,ത്താങ്ങണം.
പിറകിൽ നീളും നടപ്പാത തന്നതാം,
അറിവതിരുളിലെ, തിരിയായ് തെളിയ്ക്കണം
കറകൾ പറ്റാതുണർന്നേയിരിക്കണം.
ചിറകു തളരാതുയർച്ചകൾ കാണണം
കെണികളുണ്ടാമൊരായിരം ചുറ്റിലും
തൃണമതെന്ന പോൽ ത്രാണനം ചെയ്യണം
അണികളാവേശഭരിതരായ് തീർന്നിടാം
നിണമതിൻ ചൂരതെങ്ങും നിറഞ്ഞിടാം
വ്രണിതമനസ്സുകൾക്കെന്നും പ്രതീക്ഷയായ്
ഇനിയുമുയരങ്ങൾ താണ്ടുവാനാകണം.
ദീപക് ജി നായർ
No comments:
Post a Comment