Posts
വിഷാദവിത്തുകള്
------------------------------------------
പെണ്ണേ, നിനക്കാരു തന്നൂ തുടിക്കുന്ന
കണ്കോണിലിത്ര വിഷാദമേഘങ്ങളെ?
പെയ്യാന് വിതുമ്പുന്ന കണ്ണീര്മഴത്തുള്ളി
കയ്യാല് തുടച്ചൊന്നടക്കാന് തുനിഞ്ഞതും,
മെയ്മാസമേഘം കണക്കെ നിന് മോഹങ്ങള്
പെയ്യാതെ നെഞ്ചില് കനം വച്ചുറഞ്ഞതും
എണ്ണവറ്റി, കരിന്തിരിയായ്, പുകഞ്ഞു പോം
കല്വിളക്കിന് നോവിരുട്ടില് പടര്ന്നതും,
പെണ്ണേ, നിനക്കാരു തന്നൂ തുടിക്കുന്ന
കണ്കോണിലിത്ര വിഷാദമേഘങ്ങളെ?
ഇന്ദ്രകാമത്തിന് ഇരയാമഹല്യതന്
കലികാലരൂപിണീ, ശിലയായ് ഉറഞ്ഞുവോ?
നടവഴിയിലെവിടെയും പാര്ത്തിരിക്കും നവ
‘മാര്ജ്ജാര’വൃന്ദമീ കാമാര്ത്തരിപ്പൊഴും
എല്ലാം മറക്കുക, നിനക്കു നീ നല്കുക
ശാപമോക്ഷം, സ്വയം കണ്ണീര് തുടയ്ക്കുക
കണ്ണില് തെളിയ്ക്കുക പ്രതീക്ഷതന് നെയ്ത്തിരി
മണ്ണില് വിഷാദമേ പോയ് മറഞ്ഞീടുക.
ദീപക് ജി നായര്
------------------------------------------
പെണ്ണേ, നിനക്കാരു തന്നൂ തുടിക്കുന്ന
കണ്കോണിലിത്ര വിഷാദമേഘങ്ങളെ?
പെയ്യാന് വിതുമ്പുന്ന കണ്ണീര്മഴത്തുള്ളി
കയ്യാല് തുടച്ചൊന്നടക്കാന് തുനിഞ്ഞതും,
മെയ്മാസമേഘം കണക്കെ നിന് മോഹങ്ങള്
പെയ്യാതെ നെഞ്ചില് കനം വച്ചുറഞ്ഞതും
എണ്ണവറ്റി, കരിന്തിരിയായ്, പുകഞ്ഞു പോം
കല്വിളക്കിന് നോവിരുട്ടില് പടര്ന്നതും,
പെണ്ണേ, നിനക്കാരു തന്നൂ തുടിക്കുന്ന
കണ്കോണിലിത്ര വിഷാദമേഘങ്ങളെ?
ഇന്ദ്രകാമത്തിന് ഇരയാമഹല്യതന്
കലികാലരൂപിണീ, ശിലയായ് ഉറഞ്ഞുവോ?
നടവഴിയിലെവിടെയും പാര്ത്തിരിക്കും നവ
‘മാര്ജ്ജാര’വൃന്ദമീ കാമാര്ത്തരിപ്പൊഴും
എല്ലാം മറക്കുക, നിനക്കു നീ നല്കുക
ശാപമോക്ഷം, സ്വയം കണ്ണീര് തുടയ്ക്കുക
കണ്ണില് തെളിയ്ക്കുക പ്രതീക്ഷതന് നെയ്ത്തിരി
മണ്ണില് വിഷാദമേ പോയ് മറഞ്ഞീടുക.
ദീപക് ജി നായര്
No comments:
Post a Comment