ഉണ്ണിക്കുട്ടന്റെ ഓണം

ഉണ്ണിക്കുട്ടന്റെ ഓണം 




മുറ്റം മെഴുകണ്ടേ ഉണ്ണിക്കുട്ടാ
പച്ചപ്പുല്ലില്ലെന്റെ കുഞ്ഞേട്ടായി
കാടികൊടുത്തൊന്നുനോക്കുകുട്ടാ
കാലി തൊഴുത്തിലിന്നില്ലയേട്ടാ
തുമ്പപ്പൂ കൊണ്ടുവാ ഉണ്ണിക്കുട്ടാ ...
തുമ്പ ചിരിച്ചതില്ലെന്റെയേട്ടാ
മണ്ണുകുഴച്ചു മാവേലി തീര്‍ക്കാം
മണ്ടത്തരം വിളമ്പാതെയേട്ടാ
മണ്ണ് നാം വിറ്റതറിഞ്ഞതല്ലേ
മുന്നിലീ കോണ്‍ക്രീറ്റടുക്കു മാത്രം
എന്തിനിച്ചെയുമെന്നുണ്ണിക്കുട്ടാ
ചന്തയില്‍ പോയ് വരാമിന്നു തന്നെ
തേങ്ങിയിരിക്കുവാന്‍ നേരമില്ലാ
വാങ്ങിടാമോണം വിലക്കിഴിവില്‍  

ദീപക് ജി നായര്‍