ജീവിതവണ്ടി

ജീവിതവണ്ടി 

കൂകിവലിച്ചും കിതച്ചുമീപ്പാതമേല്‍

ജീവിതത്തീവണ്ടി പായുന്നു പിന്നെയും 

ടിക്കറ്റെടുത്തുമെടുക്കാതെയും ചിന്ത
കുത്തിനിറച്ചൊരെന്‍ചിത്തമാം ബോഗിയില്‍
കൊണ്ടും കൊടുത്തും കളിപറഞ്ഞും 

വിടചൊല്ലിപ്പിരിഞ്ഞും ഇടകലര്‍ന്നങ്ങിനെ 

പച്ചകണ്ടൊന്നുകുതിച്ചും ഇടയ്ക്കെന്റെ 

ദുഖമാം ചോപ്പിലറച്ചും
സ്വച്ഛമാം കാറ്റുപുതച്ചും ജ്വലിക്കുമീ

യുച്ചവെയില്‍ത്തീകുടിച്ചും 

ജീവിതത്തീവണ്ടിപായുന്നു പിന്നെയും 

കാലമാമീപ്പാത തന്നില്‍.

ദീപക് ജി നായര്‍