പിടയുന്ന ഹൃദയം

പിടയുന്ന ഹൃദയം 

എന്തിനോ വേണ്ടി പിടയ്ക്കുന്നിതെൻ മനം

നൊന്തു വലിയ്ക്കുന്നുണ്ടിപ്പൊഴും  നെഞ്ചകം 

മിഴികൾ രണ്ടും തുറക്കുവാനാവാതെ 

ഉടലു നീറിപ്പുകഞ്ഞു കത്തുന്ന പോൽ 

ഇതുവരെ മിടിച്ചോരെൻ ഹൃദയ വീണയ്ക്ക് മേൽ 

ചരടുകൾ ചാട്ടപോൽ വീശിപ്പതിയ്ക്കുന്നു...

കരയുകയാണെന്റെ കുട്ടികൾ ചുറ്റിലും 

തലതിരിച്ചൊന്നങ്ങു നോക്കുവാനാകാതെ -

നിലവിളിക്കുന്നു ഞാൻ ഉള്ളിൽ നിശബ്ദനായ്.

ദീപക് ജി നായര്‍