മെഴുകുതിരി

മെഴുകുതിരി 

ഇരുളിൽ നീ തപ്പിത്തടഞ്ഞു വീഴും മുൻപേ 

തെളിയുമെന്നുടൽ നീറ്റിയെന്നുമെന്നും 

അരികിൽ ഞാൻ എന്നുമുണ്ടെങ്കിലും തുണയായി 

വരുവാന്‍  കഴിഞ്ഞതീ ഇരുളിൽ മാത്രം 

ഉരുകിയെന്നുടൽ മണ്ണിൽ വീണുറഞ്ഞെന്നാലും  

ഉതിരുകില്ലൊരു മിഴിപ്പൂവു പോലും

കരയുന്ന മിഴികളതു കാണാതെ, തേങ്ങുമെന്‍ 

കരളിലെ കനലുകള്‍ തെളിച്ചു വച്ചും 

എഴുതി നീ സൂക്ഷിച്ച വരികളിലെവിടെയോ

വികലമെന്‍ രൂപം പതിഞ്ഞിരുന്നു 

 
ദീപക് ജി നായര്‍