Posts
മഞ്ഞുതുള്ളി
വെയിലേറ്റു വാടിത്തളര്ന്ന പൂവിതളിലൊരു
കുളിരേകി വീണൊരെന് മഞ്ഞുതുള്ളീ
ആരു പറഞ്ഞൂ! നിന് കാതിലീ നൊമ്പരം,
ആരോരുമില്ലാതിരുന്ന നേരം.
ഇനിയും വിടര്ന്നിടാ മൊട്ടുകള് തന് നീല -
മിഴികളില് നോവായ് പടര്ന്നതെന്തേ!
തേന്കൂടു വറ്റിച്ചകന്ന പൂമ്പാറ്റകള്
തേടുന്നു നിന്നിലും മധുകണങ്ങള്.
നെഞ്ചിലായ് എരിയും നെരിപ്പോടില് വീണു ,സ്വയ-
മെന്തിനായ് മൃത്യു വരിച്ചു നീയും
ഇതളില് നിന്നൂര്ന്നു വീണായിരം മുള്ളുകള്-
ക്കിടയിലൊരു നിണമായുറഞ്ഞതെന്തേ?
ഒടുവിലീ വരളുന്ന വേനലില് ദാഹമോടു -
ഴറുന്ന തീനാവു നീട്ടി നില്ക്കും
ചുടുമണ്ണില് വീണലിഞ്ഞകലുന്ന നിന്നിലെന്
പ്രണയം മരിയ്ക്കുന്നു മഞ്ഞുതുള്ളീ...
ദീപക് ജി നായര്
വെയിലേറ്റു വാടിത്തളര്ന്ന പൂവിതളിലൊരു
കുളിരേകി വീണൊരെന് മഞ്ഞുതുള്ളീ
ആരു പറഞ്ഞൂ! നിന് കാതിലീ നൊമ്പരം,
ആരോരുമില്ലാതിരുന്ന നേരം.
ഇനിയും വിടര്ന്നിടാ മൊട്ടുകള് തന് നീല -
മിഴികളില് നോവായ് പടര്ന്നതെന്തേ!
തേന്കൂടു വറ്റിച്ചകന്ന പൂമ്പാറ്റകള്
തേടുന്നു നിന്നിലും മധുകണങ്ങള്.
നെഞ്ചിലായ് എരിയും നെരിപ്പോടില് വീണു ,സ്വയ-
മെന്തിനായ് മൃത്യു വരിച്ചു നീയും
ഇതളില് നിന്നൂര്ന്നു വീണായിരം മുള്ളുകള്-
ക്കിടയിലൊരു നിണമായുറഞ്ഞതെന്തേ?
ഒടുവിലീ വരളുന്ന വേനലില് ദാഹമോടു -
ഴറുന്ന തീനാവു നീട്ടി നില്ക്കും
ചുടുമണ്ണില് വീണലിഞ്ഞകലുന്ന നിന്നിലെന്
പ്രണയം മരിയ്ക്കുന്നു മഞ്ഞുതുള്ളീ...
ദീപക് ജി നായര്
No comments:
Post a Comment