Posts
പുതുവർഷത്തിൽ
പുനർജ്ജനിക്കുന്ന
സ്വപ്നങ്ങൾ
ചിതലെടുത്തൊരെൻ ഭൂതകാലത്തിന്റെ
ചുമടുതാങ്ങിത്തളർന്നിരിക്കുമ്പൊഴും
ചിറകടിച്ചെങ്ങു പായുന്നു കാലമേ
തിരികെ നല്കുകെൻ ചായങ്ങളൊക്കെയും.
ഇനി മറിയ്ക്കാത്ത പുസ്തകത്താളുകൾ-
ക്കിടയിലെന്തെനിയ്ക്കായ് നീ കുറിച്ചുവോ
കൊടിയ വേനലോ, കണ്ണീർത്തടങ്ങളോ?
കുളിരു തേവുന്ന തണ്ണീർക്കുളങ്ങളോ ?
കവിത പൂക്കുന്ന കാവ്യാങ്കണത്തിലെ
കവനഹാരം കൊരുക്കുവാനക്ഷര -
ക്കളരിതന്നിൽ ഹരിശ്രീ കുറിച്ചൊന്നു
പുലരുവാൻ കാത്തിരിക്കയാണിപ്പൊഴും.
ഇടറിവീഴുന്നുറക്കത്തിലേക്കു നൽ-
ക്കനവിലുണരുന്ന പുലരിയിൽ, പൂക്കളായ്
പുനർജ്ജനിക്കുന്നു, പൂത്തുമ്പിയായ് മധു-
നുകരുമാനന്ദ ശലഭങ്ങളായ് മനം.
ഇതളടർന്നു വീഴുന്നൊരീ വർഷത്തി-
നിടയില് വീണു മരിച്ച കിനാവുകള്-
ക്കുയിരുമായ് വരും പുതുവത്സരത്തിന്റെ
വരവു കാത്തിന്നുണർന്നിരിക്കുന്നു ഞാൻ .
ദീപക് ജി നായർ
പുനർജ്ജനിക്കുന്ന സ്വപ്നങ്ങൾ
ചിതലെടുത്തൊരെൻ ഭൂതകാലത്തിന്റെ
ചുമടുതാങ്ങിത്തളർന്നിരിക്കുമ്പൊഴും
ചിറകടിച്ചെങ്ങു പായുന്നു കാലമേ
തിരികെ നല്കുകെൻ ചായങ്ങളൊക്കെയും.
ഇനി മറിയ്ക്കാത്ത പുസ്തകത്താളുകൾ-
ക്കിടയിലെന്തെനിയ്ക്കായ് നീ കുറിച്ചുവോ
കൊടിയ വേനലോ, കണ്ണീർത്തടങ്ങളോ?
കുളിരു തേവുന്ന തണ്ണീർക്കുളങ്ങളോ ?
കവിത പൂക്കുന്ന കാവ്യാങ്കണത്തിലെ
കവനഹാരം കൊരുക്കുവാനക്ഷര -
ക്കളരിതന്നിൽ ഹരിശ്രീ കുറിച്ചൊന്നു
പുലരുവാൻ കാത്തിരിക്കയാണിപ്പൊഴും.
ഇടറിവീഴുന്നുറക്കത്തിലേക്കു നൽ-
ക്കനവിലുണരുന്ന പുലരിയിൽ, പൂക്കളായ്
പുനർജ്ജനിക്കുന്നു, പൂത്തുമ്പിയായ് മധു-
നുകരുമാനന്ദ ശലഭങ്ങളായ് മനം.
ഇതളടർന്നു വീഴുന്നൊരീ വർഷത്തി-
നിടയില് വീണു മരിച്ച കിനാവുകള്-
ക്കുയിരുമായ് വരും പുതുവത്സരത്തിന്റെ
വരവു കാത്തിന്നുണർന്നിരിക്കുന്നു ഞാൻ .
ദീപക് ജി നായർ
No comments:
Post a Comment