വെളുത്ത കാട്

വെളുത്ത കാട് 


കറുത്തബോര്‍ഡിലൊരു
വെളുത്തചോക്കിനാല്‍
വരച്ചു വാദ്ധ്യാരൊരു കറുത്ത കാട്.
കറുത്ത കുട്ടികള്‍ വെളുക്കെ നന്നായ്
ചിരിച്ചു മുന്നിലൊരു വെളുത്ത കാട്

 വെളുത്തനാടൊന്നു തൊടുത്തൊരമ്പാല്‍...
കറുപ്പുമൂടിയ വെളുത്ത നെഞ്ചില്‍ നിന്നു-
തിര്‍ന്ന രക്തത്തിനു നിറം ചുവപ്പ്
വിശന്നു കേഴുന്നൊരു കുഞ്ഞുതന്റെ
കറുത്ത കണ്ണില്‍നിന്നൊലിച്ച കണ്ണീര്‍
രുചിച്ചു നോക്കിയതിന്നുമുപ്പ്
വരണ്ട ചൂണ്ടാണിവിരല്‍നഖത്തില്‍ വെളുത്തചിരിമഴയ്ക്കൊടുവിലെന്നോ
പുരണ്ട മഷിയതിന്‍ നിറം കറുപ്പ്
ഉറച്ചകാലൂന്നി നിരന്നു നില്ക്കും, 
തുടിക്കുമാവേശമോടുയര്‍ന്ന കൈകള്‍ 
കറുത്തകല്ലുരച്ചുയര്‍ന്നൊരഗ്നി
കെടാതെ നെഞ്ചിലായ് തെളിച്ചുനിര്‍ത്തൂ


ദീപക് ജി നായര്‍