Posts
ഒരു ചെറുനോവിനാലന്നെന്റെ ഹൃദയമാം
ശിലയില് നീ വെറുതേ കുറിച്ചിട്ടൊരോര്മ്മകള്
തിരയടങ്ങാതാര്ത്തലച്ചടിക്കുന്നെന്റെ
സിരകളില് ലഹരി പടര്ന്നൊരീ സന്ധ്യയില്
നിറയൗവ്വനത്തിന്റ മധുരം തുളുമ്പുന്ന
നറുമലരായ്, നിലാവൊഴുകുന്ന രാത്രികള്.
കനവിന് മണല്ക്കോട്ടകെട്ടി എന് മനസ്സിന്റെ
പുകയുന്ന ചൂളയില് ചുട്ടുറപ്പിച്ച നാള്.
ഇരുളിന്റെ മറവില് നിന്നിരതേടി,
കരയിലേയ്ക്കലിയുവാനണയുന്ന
തിരപോലെ വന്നതും,
എരിയുന്ന വേനലില് പൊഴിയുന്ന മഴപോലെ
ഉരുകുന്ന നെഞ്ചിന് തുടിപ്പായതും,
തിരികെയെന്നണയുമെന്നറിയാതെ
വിടപറഞ്ഞകലുന്ന തിരപോലകന്നതും,
ഓര്മ്മതന് തിരയായ് അലച്ചാര്ത്തടിക്കുന്നു,
സിരകളില് ലഹരിപടര്ന്നൊരീ സന്ധ്യയില്, പിന്നെയും.
ദീപക് ജി നായര്
ശിലയില് നീ വെറുതേ കുറിച്ചിട്ടൊരോര്മ്മകള്
തിരയടങ്ങാതാര്ത്തലച്ചടിക്കുന്നെന്റെ
സിരകളില് ലഹരി പടര്ന്നൊരീ സന്ധ്യയില്
നിറയൗവ്വനത്തിന്റ മധുരം തുളുമ്പുന്ന
നറുമലരായ്, നിലാവൊഴുകുന്ന രാത്രികള്.
കനവിന് മണല്ക്കോട്ടകെട്ടി എന് മനസ്സിന്റെ
പുകയുന്ന ചൂളയില് ചുട്ടുറപ്പിച്ച നാള്.
ഇരുളിന്റെ മറവില് നിന്നിരതേടി,
കരയിലേയ്ക്കലിയുവാനണയുന്ന
തിരപോലെ വന്നതും,
എരിയുന്ന വേനലില് പൊഴിയുന്ന മഴപോലെ
ഉരുകുന്ന നെഞ്ചിന് തുടിപ്പായതും,
തിരികെയെന്നണയുമെന്നറിയാതെ
വിടപറഞ്ഞകലുന്ന തിരപോലകന്നതും,
ഓര്മ്മതന് തിരയായ് അലച്ചാര്ത്തടിക്കുന്നു,
സിരകളില് ലഹരിപടര്ന്നൊരീ സന്ധ്യയില്, പിന്നെയും.
ദീപക് ജി നായര്
No comments:
Post a Comment