Gopaalam - Its for you my Dad........

ഹേ, മനുഷ്യാ! അറിയുന്നുവോ നിന്റെ 

അധരങ്ങള്‍ തന്നില്‍ നിന്നുതിരുന്ന വാക്കാം 

വിഷത്തിന്റെ വീര്യം. 

അധികാരിയല്ല നീ, അഹമെന്ന ഭാവങ്ങളു-

റയുന്നൊരുടലിന്നുമുടമയല്ലെന്നതും, 

അടിമയല്ലാരുമീയുലകത്തിലേകാന്ത

പഥികരായുഴറുന്നൊരാത്മാക്കള്‍ നമ്മള്‍. 

ഒന്നാകുമുറവില്‍ നിന്നൊഴുകിപ്പിരിഞ്ഞൊടു-

വിലൊന്നായ സാഗരത്തിരയായിടേണ്ടോര്‍. ഒന്നിനോടൊന്നുചേര്‍ന്നൊന്നായിടാം, 

നന്മ പുല്കുവാനൊന്നായ് കരം കോര്‍ത്തിടാം. 

ദീപക് ജി നായര്‍