Gopaalam - Its for you my Dad........

വീണടിയുന്നതിൻ മുന്നേയെൻ നൊമ്പര -
വീണയിൽ മീട്ടിയ രാഗമായ് നീ
കൂടുവിട്ടെങ്ങോ പറന്നകലും മുൻപേ
കൂടെ പറന്ന നല്ലോർമ്മയായ് നീ
ഒറ്റത്തിരിത്തുമ്പിലിത്തിരി വെട്ടവും
വററിക്കരിഞ്ഞിന്നിരുട്ടു മാത്രം
പിൻവിളിയൊന്നുമേ,  കേൾക്കുവാനാകാതെ
പിൻതിരിഞ്ഞൊട്ടൊന്നു, നോക്കുവാനാകാതെ
കണ്ണുകൾക്കപ്പുറം, കാതുകൾക്കപ്പുറം
വിണ്ണിലെ താരമായ് കാത്തിരിക്കാം, ദൂരെ
മണ്ണിൽ നിന്നോർമ്മയായ് കൂട്ടിരിക്കാം

ദീപക് ജി നായർ