ഭ്രാന്തന്‍ ചിന്തകള്‍ - 5

ഭ്രാന്തന്‍ ചിന്തകള്‍ - 5

ജനനത്തില്‍ നിന്നു മരണത്തിലേക്കു നാം

നീട്ടിവലിച്ചൊരു ജീവിത രേഖയാം

നൂൽപ്പാലമിടറാതെ, ആയാസമോടെ

കടക്കവേ, നീളുന്ന കൈകളിൽ സ്വയം

വീഴാതിരിക്കുവാൻ മാത്രം പിടിക്കവേ,

വീണ്ടും മുളക്കുന്നു സ്വാർത്ഥമാം ചിന്തകൾ.


മഴവില്ലിനഴകോലുമേഴുവർണ്ണങ്ങളും

കൊടികളായ് മണ്ണിൽ മതിൽ  പണിഞ്ഞീടവേ

നിറമുള്ള സ്വപ്‌നങ്ങൾ നിറവയർ തന്നിലായ്

നിലവിളി പോലുമാവാതെ മരിക്കവേ ..

വീണ്ടും പിറക്കുന്നു  സ്വാർത്ഥമാം ചിന്തകൾ.


നീയും, ഞാനുമെന്നുള്ളോരു  ചൊല്ലുകള്‍

മരിക്കാതെയിനി   'നമ്മൾ' പിറക്കുകില്ല!