ചിന്തകൾ

ഇളകിത്തെറിക്കാതടക്കുവാനാകുമോ
ഇടവിട്ടു വഴിതെറ്റുമെൻ ചിന്തയത്രയും
കുടയുവാനായുമ്പോളായിരം ചിന്തകൾ
കുതിരപോലോടിക്കിതയ്ക്കുന്നു പിന്നെയും
നിലവിട്ട നിനവുകൾ നുരയിട്ടകത്തളത്തി-
ഴയുന്നിരുട്ടിൽച്ചരിക്കുന്ന ചക്രിപോൽ.
തിരയടിച്ചാർക്കുന്ന കടലായുമാർദ്രമാ-
യൊഴകിപ്പരക്കുന്നിളം കാറ്റു പോലെയും
നേരദൂരങ്ങൾക്കുമപ്പുറത്തെവിടെയോ
നേരൊന്നു തേടി തളർന്നൊരെൻ ചിന്തകൾ.

ദീപക് ജി നായർ