Gopaalam - Its for you my Dad........

ഇനിയെത്ര ദൂരം പറക്കുവാനാകുമെന്നൊ -
രു മാത്ര പോലും നിനയ്ക്കുവാനാകാതെ
വഴിവക്കിലകലെയായ് നിലതെറ്റി വീഴുന്നു
ചിറകറ്റുപോയ നിശാശലഭം

സമദൂരമോപ്പം പറന്നവനിന്നു തന്‍
കരളിലൊരണുവായ്‌ പ്രാപിച്ചതറിയാതെ,
മേയുവാനേകയെന്നറിയാതെ, പിന്നെയും
തനുവിലൊരനുരാഗലോലയായ്ത്തീര്‍ന്നവള്‍

വരുമോരു കാലമീ ജീവനും തൂക്കി
വിപണിയിൽ നീ വിറ്റു പണമാക്കി മാറ്റും
വിലപിക്കുവാനും കഴിയാതെ നിശ്ചലം
 ശരമേറ്റു പിടയും പക്ഷിയായുലകിൽ

വേണ്ടയെനിക്കെന്റെ സ്വപ്ന മഞ്ജങ്ങളും
വെട്ടിത്തിളങ്ങുന്ന തൂവലെന്നാകിലും
കത്തിക്കരിയട്ടെ കാണാപതംഗങ്ങൾ
മുഗ്ധയാണെങ്കിലും തീരട്ടെ ജന്മം

ദീപക് ജി നായര്